ദൈവം ത്രിയേകനാണെന്ന് യുക്തികൊണ്ട് അനുമാനിക്കാൻ കഴിയുമോ?

Authored by : Congregation for Doctrine of Faith On 18-Aug-2022

ഇല്ല. ഒരു ദൈവത്തിൽ മൂന്ന് ആളുകളുണ്ടെന്ന യാഥാർത്ഥ്യം (തിത്വം) ഒരു രഹസ്യമാണ്. ദൈവം ത്രിത്വാത്മകനാണെന്ന് യേശുക്രിസ്തുവിലൂടെ മാത്രമേ നാം അറിയുന്നുള്ളൂ.

ദൈവം ത്രിത്വമാണെന്ന യാഥാർത്ഥ്യത്തെക്കുറിച്ചുള്ള നിഗമനത്തിലെത്താൻ മനുഷ്യർക്ക് സ്വന്തം ബുദ്ധിശക്തിയുടെ സഹായത്തോടെ സാധിക്കുകയില്ല. എന്നാലും, യേശുക്രിസ്തുവിലുള്ള ദൈവത്തിൻ്റെ വെളിപാടു സ്വീകരിക്കുമ്പോൾ ഈ രഹസ്യം യുക്തി പൂർവകമാണെന്ന് മനുഷ്യർ അംഗീകരിക്കുന്നു. ദൈവം തനിച്ചായിരുന്നെങ്കിൽ, ഏകാന്തനായിരുന്നെങ്കിൽ,അനന്തകാലം മുതലേ സ്നേഹിക്കാൻ അവിടത്തേക്കു കഴിയുമായിരുന്നില്ല. ദൈവത്തിൻ്റെ ത്രിത്വാത്മകസത്തയുടെ അടയാളങ്ങൾ യേശുക്രിസ്തുവിൻ്റെ വെളിച്ചത്തിൽ പഴയനിയമത്തിൽത്തന്നെ (ഉദാ. ഉത്പ 1:2; 18:2; 2 സാമു 23:2) യഥാർത്ഥത്തിൽ സൃഷ്ടി മുഴുവനിലും നമുക്കു കണ്ടെത്താം. ത്രിയേകസത്തയായ ദൈവത്തിൻ്റെ അടയാളങ്ങൾ നമുക്കു കണ്ടെത്താം.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:36)

ത്രിത്വെയ്ക ദൈവം trinity of god Can we deduce logically that God is triune? ദൈവം ത്രിയേകനാണെന്ന് യുക്തികൊണ്ട് അനുമാനിക്കാൻ കഴിയുമോ? കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 36 Bible Theology Church Teachings