കത്തോലിക്കരല്ലാത്ത ക്രിസ്ത്യാനികളും നമ്മുടെ സഹോദരീ-സഹോദരന്മാരാണോ?

Authored by : Congregation for Doctrine of Faith On 16-Sep-2022

മാമ്മോദീസ സ്വീകരിച്ച എല്ലാ ക്രൈസ്തവരും യേശുക്രിസ്തുവിൻ്റെ സഭയുടേതാണ്. അതുകൊണ്ടാണ് കത്തോലിക്കാസഭയുമായുള്ള സമ്പൂർണ സംസർഗത്തിൽ നിന്നു വേർതിരിഞ്ഞവരായി സ്വയം കാണുന്ന ക്രൈസ്തവരും ക്രൈസ്തവരെന്ന് യുക്തിപൂർവകം വിളിക്കപ്പെടുന്നതും സഹോദരീ സഹോദരന്മാരായിരിക്കുന്നതും. [817 - 819]

ക്രിസ്തുവിൻ്റെ ഏകസഭയിൽ നിന്നുണ്ടായ വേർപെടലിൻ്റെ സംഭവങ്ങൾ ഉണ്ടായത് ക്രിസ്തുവിൻ്റെ പ്രബോധനത്തിൻ്റെ അബദ്ധവത്കരണം, മാനുഷികപരാജയങ്ങൾ, അനുരഞ്ജനത്തിന് രണ്ടു കക്ഷികളുടെയും പ്രതിനിധികളുടെ ഭാഗത്തു നിന്ന് സാധാരണമായി ഉണ്ടായിട്ടുള്ള സന്മനസ്സില്ലായ്മ എന്നിവ കൊണ്ടാണ്. സഭയുടെ ചരിത്രപരമായ വിഭജനങ്ങൾക്ക് ഇന്നത്തെ ക്രിസ്ത്യാനികൾ ഒരു തരത്തിലും കുറ്റക്കാരല്ല. കത്തോലിക്കാസഭയിൽ നിന്നു വേർപിരിഞ്ഞിട്ടുള്ള മനുഷ്യവംശത്തിലെ സഭകളിലും സഭാത്മക സമൂഹങ്ങളിലുമുള്ളവരുടെ രക്ഷയ്ക്കായും പരിശുദ്ധാത്മാവു പ്രവർത്തിക്കുന്നു. അവിടെയെല്ലാം കാണുന്ന ദാനങ്ങൾ ഉദാഹരണത്തിന്, വിശുദ്ധ ലിഖിതം, കൂദാശകൾ, വിശ്വാസം, പ്രത്യാശ, സ്നേഹം മുതലായ സിദ്ധികൾ യഥാർത്ഥത്തിൽ ക്രിസ്തുവിൽ നിന്നുദ്ഭവിച്ചു വരുന്നവയാണ്. ക്രിസ്തുവിൻ്റെ ആത്മാവു ജീവിക്കുന്നിടത്ത് “പുനരൈക്യ"ത്തിലേക്കു നയിക്കുന്ന ആന്തരിക സ്വയംചാലകശക്തിയുണ്ട്. എന്തെന്നാൽ, ഒന്നിച്ചു ബന്ധപ്പെട്ടിരിക്കുന്നവ ഒന്നിച്ചു വളരാൻ ആഗ്രഹിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:130)

കത്തോലിക്കരല്ലാത്ത ക്രിസ്ത്യാനികൾ അക്രൈസ്തവർ non catholic christians non catholics കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 130 കത്തോലിക്കരല്ലാത്ത ക്രിസ്ത്യാനികളും നമ്മുടെ സഹോദരീ-സഹോദരന്മാരാണോ? Bible Theology Church Teachings