എന്നാലും മനുഷ്യരുടെയിടയിൽ അനീതി ഉണ്ടായിരിക്കുന്നത് എന്തുകൊണ്ട്?

Authored by : Congregation for Doctrine of Faith On 01-Aug-2022

എല്ലാ മനുഷ്യർക്കും ഒരേ മഹത്ത്വമുണ്ട്. പക്ഷേ, എല്ലാവരും ഒരേ ജീവിത പരിതഃസ്ഥിതി കണ്ടെത്തുന്നില്ല. അനീതി മനുഷ്യനിർമ്മിതമാണെങ്കിൽ അത് സുവിശേഷ വിരുദ്ധമാണ്. ദൈവം വ്യത്യസ്തങ്ങളായ ദാനങ്ങളും കഴിവുകളും നല്കിയിട്ടുള്ള സാഹചര്യത്തിൽ പരസ്പരം ആശ്രയിക്കാൻ നമ്മോട് ആവശ്യപ്പെടുന്നുണ്ട്. മറ്റുള്ളവർക്ക് ഇല്ലാത്തതു പരസ്നേഹത്തിൽ അവർക്കു കൊടുക്കണം. 

മനുഷ്യരുടെയിടയിൽ ഒരുതരം അസമത്വമുണ്ട്. അത് ദൈവത്തിൽനിന്നു വരുന്നതല്ല. പിന്നെയോ സാമൂഹിക വ്യവസ്ഥകളിൽ നിന്നുണ്ടാകുന്നതാണ്. പ്രത്യേകിച്ച് ലോകവ്യാപകമായ തോതിൽ അസംസ്കൃത വസ്തുക്കൾ, ഭൂമി, മൂലധനം എന്നിവ നീതിരഹിതമായി വിതരണം ചെയ്യപ്പെട്ടിരിക്കയാലാണത്. സുവിശേഷത്തിന് എതിരാണെന്നു വ്യക്തമായിട്ടുള്ളതും മനുഷ്യമഹത്ത്വം അവഗണിക്കുന്നതുമായതെല്ലാം ലോകത്തിൽ നിന്നു നാം മാറ്റിക്കളയുമെന്ന് ദൈവം പ്രതീക്ഷിക്കുന്നു. എന്നാൽ തികച്ചും ദൈവത്തിൻ്റെ ഇഷ്ടമനുസരിച്ചുള്ള ഒരുതരം അസമത്വം മനുഷ്യരുടെ ഇടയിലുണ്ട്. കഴിവുകളുടെയും പ്രാരംഭാവസ്ഥകളുടെയും അവസരങ്ങളുടെയും അസമത്വമാണത്. മനുഷ്യനായിരിക്കുകയെന്നതിൻ്റെ അർത്ഥം പരസ്നേഹത്തിൽ മറ്റുള്ളവർക്കുവേണ്ടിയായിരിക്കുകയെന്നതാണെന്നതിൻ്റെ സൂചനയാണത്. പങ്കുവയ്ക്കാനും ജീവൻ വളർത്താനുമാണത്.

കത്തോലിക്കാ സഭയുടെ യുവജന മതബോധനഗ്രന്ഥം(ചോദ്യം: 331)

nevertheless injustice കത്തോലിക്കസഭയുടെ മതബോധനഗ്രന്ഥം മതബോധനഗ്രന്ഥം അനീതി youcat 331 എന്നാലും മനുഷ്യരുടെയിടയിൽ അനീതി ഉണ്ടായിരിക്കുന്നത് എന്തുകൊണ്ട്? Bible Theology Church Teachings