ലഹരിവസ്തുക്കൾ ഉപയോഗിക്കുന്നത് എന്തുകൊണ്ടാണു പാപമായിരിക്കുന്നത്?

Authored by : Congregation for Doctrine of Faith On 05-Aug-2022

ലഹരിവസ്തുക്കൾ ഉപയോഗിക്കുന്നത് പാപമാണ്. കാരണം, അത് തന്നെത്തന്നെ നശിപ്പിക്കുന്ന പ്രവൃത്തിയാണ്. അങ്ങനെ ദൈവം നമുക്കു സ്നേഹപൂർവം നല്കിയ ജീവന് ഏതിരായുള്ള കുറ്റവുമാണ്.

ഒരു വ്യക്തിക്ക് നിയമാനുസൃതമായ ലഹരിവസ്തുക്കളിലും (മദ്യം, ഔഷധപ്രയോഗം, പുകയില) അതിലേറെയായി നിയമ വിരുദ്ധമായ വസ്തുക്കളിലും ഉണ്ടാകുന്ന ആശയത്തിൻ്റെ ഓരോ രൂപവും സ്വാതന്ത്ര്യം അടിമത്തത്തിനുവേണ്ടി കൈമാറ്റം ചെയ്യലാണ്. അത് ബന്ധപ്പെട്ട വ്യക്തിയുടെ ആരോഗ്യവും ജീവിതവും നശിപ്പിക്കുന്നു. അയാൾക്കു ചുറ്റുമുള്ള മനുഷ്യരെ വലിയതോതിൽ ദ്രോഹിക്കുകയും ചെയ്യുന്നു. മത്തു പിടിച്ചതുകൊണ്ട് ഒരാൾ സ്വയം നഷ്ടപ്പെടുകയോ വിസ്മരിക്കുകയോ ചെയ്യുമ്പോൾ അവന് മാനുഷിക മഹത്ത്വത്തിൻ്റെയും സ്വാതന്ത്ര്യത്തിൻ്റെയും ഒരംശം നഷ്ടപ്പെടുന്നു. അതുകൊണ്ട് ദൈവത്തിനെതിരേ പാപം ചെയ്യുന്നു. അമിതമായ തീറ്റയും കുടിയും ലൈംഗികതയിലുള്ള മുഴുകലും വണ്ടി അമിതവേഗത്തിൽ ഓടിക്കലുമെല്ലാം മത്തുമൂലമുള്ള സ്വയം നഷ്ടപ്പടലിലും മറക്കലിലും ഉൾപ്പെടുന്നു. ആസ്വാദനകരമായ വസ്തുക്കൾ യുക്തിപൂർവകമായും ബോധപൂർവമായും മിതമായും ഉപയോഗിക്കുന്നതിനെ ഇതിൽ നിന്നു വേർതിരിച്ചു കാണണം.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം: 389)

ലഹരി വസ്തുക്കളുടെ ഉപയോഗം usage of drugs കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം ലഹരിവസ്തുക്കൾ drugs youcat 389 ലഹരിവസ്തുക്കൾ ഉപയോഗിക്കുന്നത് എന്തുകൊണ്ടാണു പാപമായിരിക്കുന്നത്? Bible Theology Church Teachings