വൈദികരും മെത്രാന്മാരും അവിവാഹിതജീവിതം നയിക്കണമെന്നു സഭ പറയുന്നത് എന്തുകൊണ്ട്?

Authored by : Congregation for Doctrine of Faith On 30-Jul-2022

യേശു അവിവാഹിത ജീവിതം നയിച്ചു. അങ്ങനെ വിഭജിക്കപ്പെടാത്ത സ്നേഹം പിതാവായ ദൈവത്തോടു കാണിക്കാൻ ഉദ്ദേശിച്ചു. യേശുവിൻ്റെ ജീവിതരീതി പിന്തുടരുകയും സ്വർഗരാജ്യത്തിനു വേണ്ടി(മത്താ 19:22) അവിവാഹിത ചാരിത്രത്തിൽ ജീവിക്കുകയും ചെയ്യുകയെന്നത് ക്രിസ്തുവിൻ്റെ കാലം മുതൽ സ്നേഹത്തിൻ്റെയും കർത്താവിനോടുള്ള അവിഭജിത ഭക്തിയുടെയും സേവനം ചെയ്യാനുള്ള സമ്പൂർണ സന്നദ്ധതയുടെയും അടയാളമായിരുന്നു. റോമൻ കത്തോലിക്കാസഭ തൻ്റെ മൊത്രാൻന്മാർക്കും വൈദികർക്കും ഈ ജീവിതരീതി ഉണ്ടായിരിക്കണമെന്ന് ആവശ്യപ്പെടുന്നു. അതേസമയം പൗരസ്ത്യ കത്തോലിക്കാസഭകൾ ആവശ്യപ്പെടുന്നത് മെത്രാന്മാർ മാത്രം ഈ ജീവിതരീതി അനുസരിക്കണമെന്നാണ്. [1579 -1580, 1599]

ബെനഡിക്ട് മാർപാപ്പാ ഇങ്ങനെ പറയുന്നു. “സ്നേഹത്തിൽ ശൂന്യരായിക്കഴിയുകയെന്ന് അവിവാഹിതജീവിതത്തിന് അർത്ഥമില്ല. പിന്നെയോ, ദൈവത്തോടുള്ള ആവേശത്താൽ കീഴടക്കപ്പെടാൻ സമ്മതിക്കുകയെന്നായിരിക്കണം അതിൻ്റെ അർത്ഥം". അവിവാഹിതനായി ജീവിക്കുന്ന വൈദികൻ ദൈവത്തിൻ്റെയും യേശുവിൻ്റെയും പിതൃസഹജമായ സ്വഭാവത്തിനു പ്രാതിനിധ്യം വഹിക്കുന്നിടത്തോളം ഫലപൂർണനായിരിക്കണം.മാർപാപ്പാ തുടർന്നു പറയുന്നു. പക്വതയും പുരുഷത്വവുമുള്ള യഥാർത്ഥ ആത്മീയ പിതൃത്വം അഭ്യസിക്കാൻ കഴിവുള്ള വൈദികരെ ക്രിസ്തു ആവശ്യപ്പെടുന്നു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:258)

priest and bishops undivided devotion unmarried chastity കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം വൈദികരും മെത്രാന്മാരും അവിവാഹിതജീവിതം youcat 258 Bible Theology Church Teachings