വിശ്വാസത്തിന്റെ ഏറ്റുപറച്ചിലിന് നാം “ആമേൻ” പറയുന്നതെന്തുകൊണ്ട്?

Authored by : Congregation for Doctrine of Faith On 19-Aug-2022

വിശ്വാസത്തിന്റെ ഏറ്റുപറച്ചിലിന് നാം “ആമേൻ” (അങ്ങനെതന്നെ) എന്നു പറയുന്നു.

എന്തെന്നാൽ ദൈവം നമ്മെ വിശ്വാസത്തിന്റെ സാക്ഷികളാകാൻ നിയോഗിച്ചിരിക്കുന്നു. ആമേൻ എന്നു പറയുന്ന ഏതു വ്യക്തിയും സൃഷ്ടിയിലും വീണ്ടെടുപ്പിലുമുള്ള ദൈവത്തിന്റെ പ്രവർത്തനം സ്വതന്ത്രമായും സന്തോഷപൂർവകമായും അംഗീകരിക്കുന്നു.

ഹീബ്രുവിലെ ആമേൻ എന്ന പദം വാക്കുകളുടെ ഒരു കുടുംബത്തിൽ നിന്നുവരുന്നു. അതിന് വിശ്വാസമെന്നർത്ഥമുണ്ട്. കൂടാതെ സ്ഥിരത, ആശ്രയയോഗ്യത, വിശ്വാസ്യത എന്നിങ്ങനെയും അർത്ഥമുണ്ട്. “ആമേൻ എന്നു പറയുന്നവൻ ഒപ്പിടുന്നു” (വിശുദ്ധ ആഗ്നോസ്). യേശു തന്റെ മരണത്തിലും ഉത്ഥാനത്തിലും നമ്മോടു വിശ്വസ്തനും വിശ്വാസ്യനുമാണെന്ന് തെളിയിച്ചതുകൊണ്ടു മാത്രമാണ് വ്യവസ്ഥാതീതമായ ഈ ആമേൻ പറയാൻ നമുക്കു കഴിയുന്നത്. ദൈവത്തിന്റെ സകല വാഗ്ദാനങ്ങൾക്കും അവിടന്ന് മാനുഷികമായ ആമേൻ ആണ്. അവിടന്ന് നമ്മോടു ദൈവം പറയുന്ന സുനിശ്ചിതമായ ആമേനുമാണ്. ക്രൈസ്തവരഹസ്യങ്ങൾ (കൂദാശകൾ) ആഘോഷിക്കുകയെന്നത് യേശുക്രിസ്തുവിനെ സമയത്തിൽ കണ്ടുമുട്ടുന്നതിനെ സംബന്ധിക്കുന്നതാണ്. കാലത്തിന്റെ അവസാനം വരെ അവിടന്ന് തൻ്റെ സഭയിൽ സന്നിഹിതനാണ്. ഭൂമിയിൽ അവിടന്നുമായുള്ള ഏറ്റവും അഗാധമായ കണ്ടുമുട്ടൽ ലിറ്റർജി (ദൈവികാരാധന) ആകുന്നു. അതുകൊണ്ട് വിശുദ്ധ ബെനഡിക്ടിന്റെ നിയമ സംഗ്രഹം ഇങ്ങനെ പറയുന്നു.

“ലിറ്റർജിക്കു നൽകുന്നതിലേറെ മുൻഗണന മറ്റാെന്നിനും നാം നല്കരുത്". (നൂർസിയായിലെ വിശുദ്ധ ബെനഡിക്ട് (480-547) പാശ്ചാത്യ സന്ന്യാസ സമ്പ്രദായത്തിന്റെ സ്ഥാപകൻ.)

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം:165)

amen amen and faith liturgy ആമ്മേൻ കത്തോലിക്കാസഭയുടെ യുവജന മതബോധനഗ്രന്ഥം youcat 165  വിശ്വാസത്തിന്റെ ഏറ്റുപറച്ചിലിന് നാം “ആമേൻ” പറയുന്നതെന്തുകൊണ്ട്? Bible Theology Church Teachings