എന്തുകൊണ്ടാണ് ക്രിസ്ത്യാനികൾ സാബത്തിനുപകരം ഞായറാഴ്ച ആചരിക്കുന്നത്?

Authored by : Congregation for Doctrine of Faith On 03-Aug-2022

യേശുക്രിസ്തു ഞായറാഴ്ച മൃതരിൽ നിന്ന് ഉത്ഥാനം ചെയ്തതുകൊണ്ട് ക്രിസ്ത്യാനികൾ സാബത്താചരണത്തിനു പകരം ഞായറാഴ്ചാരണം നടത്തുന്നു. എന്നാലും “കർത്താവിൻ്റെ ദിവസം" സാബത്തിൻ്റെ ഘടകങ്ങൾ ഉൾക്കൊള്ളുന്നതാണ്. 

ക്രൈസ്തവ ഞായറാഴ്ചയ്ക്ക് സാരാംശപരമായ മൂന്നു ഘടകങ്ങളുണ്ട്:
(1) അത് ലോകസൃഷ്ടികർമ്മത്തെ അനുസ്മരിക്കുകയും കാലത്തിൻ്റെ ഗതിക്ക് ദൈവത്തിൻ്റെ നന്മയുടെ ആഘോഷപൂർവകമായ പ്രഭ നല്കുകയും ചെയ്യുന്നു.

(2) ക്രിസ്തുവിൽ ലോകം നവീകരിക്കപ്പെട്ട “സൃഷ്ടിയുടെ എട്ടാം ദിവസം" അനുസ്മരിക്കുന്നു.(അങ്ങനെ ഈസ്റ്റർ ജാഗരണത്തിലെ ഒരു പ്രാർത്ഥനയിൽ ഇപ്രകാരം പറയുന്നു. "അവിടന്ന് മനുഷ്യനെ വിസ്മയനീയമാം വിധം സൃഷ്ടിച്ചു. കൂടുതൽ വിസ്മയനീയമാം വിധം അവനെ പുനഃസ്ഥാപിക്കുകയും ചെയ്തു.”)

(3) അത് വിശ്രമമെന്ന പ്രമേയം ഉൾക്കൊള്ളുന്നുണ്ട്. ജോലിയുടെ വിരാമം വിശുദ്ധീകരിക്കാൻ വേണ്ടി മാത്രമല്ല പിന്നെയോ മനുഷ്യനു ദൈവത്തിലുള്ള നിത്യവിശ്രമം ഇപ്പോൾപ്പോലും സൂചിപ്പിക്കാനുമാണത്.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം: 364)

sunday ഞായറാഴ്ച why do christians replace the sabbath with sunday കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 364 എന്തുകൊണ്ടാണ് ക്രിസ്ത്യാനികൾ സാബത്തിനുപകരം ഞായറാഴ്ച ആചരിക്കുന്നത്? Bible Theology Church Teachings