മാർപാപ്പായുടെ ഉത്തരവാദിത്വമെന്താണ്?

Authored by : Congregation for Doctrine of Faith On 19-Sep-2022

വിശുദ്ധ പത്രോസിൻ്റെ പിൻഗാമിയും മെത്രാൻസംഘത്തിൻ്റെ തലവനുമെന്ന നിലയിൽ മാർപാപ്പാ സഭയുടെ ഐക്യത്തിൻ്റെ ഉറവിടവും ഉറപ്പുനല്കുന്നവനുമാണ്. അദ്ദേഹത്തിന് പരമോന്നതമായ അജപാലനാധികാരമുണ്ട്. സിദ്ധാന്തപരവും ശിക്ഷണപരവുമായ തീരുമാനങ്ങളിൽ അദ്ദേഹം അന്തിമാധികാരിയുമാണ്.[880-882, 936-937]

യേശു പത്രോസിന് അപ്പസ്തോലന്മാരുടെയിടയിൽ പരമമായ ഔന്നത്യമെന്ന അനന്യസ്ഥാനം നല്കി. അത് അദ്ദേഹത്തെ ആദിമസഭയിലെ പരമാധികാരിയാക്കി. അദ്ദേഹം നയിച്ച പ്രാദേശികസഭയും അദ്ദേഹത്തിൻ്റെ രക്തസാക്ഷിത്വത്തിൻ്റെ സ്ഥാനവും ആയ 'റോമ' അദ്ദേഹത്തിൻ്റെ മരണശേഷം യുവസഭയുടെ ആന്തരിക പരാമർശകേന്ദ്രമായി. ഓരോ ക്രൈസ്തവസമൂഹത്തിനും റോമയുമായി യോജിക്കേണ്ടിവന്നു, അതായിരുന്നു യഥാർത്ഥവും പൂർണവും മായം കലർത്താത്തതുമായ വിശ്വാസത്തിൻ്റെ മാനദണ്ഡം. ഇന്നോളം റോമിലെ മെത്രാൻ, പത്രോസിനെപ്പോലെ, ക്രിസ്തു യഥാർത്ഥ ശിരസ്സായിരിക്കുന്ന സഭയുടെ പരമോന്നത അജപാലകനാണ്. ഈ പദവിയിൽ മാത്രമാണ് മാർപാപ്പാ “ഭൂമിയിൽ ക്രിസ്തുവിൻ്റെ വികാരി" ആയിരിക്കുന്നത്. അജപാലനപരമായും സിദ്ധാന്തപരമായും പരമോന്നതനായ അധികാരിയെന്ന നിലയിൽ അദ്ദേഹം യഥാർത്ഥ വിശ്വാസം പകർന്നുനല്കലിനു നോട്ടം വഹിക്കുന്നു. ആവശ്യം വരുമ്പോൾ സിദ്ധാന്തങ്ങൾ പഠിപ്പിക്കുന്നതിന് വിശ്വാസത്തിൻ്റെയും ധാർമ്മികതയുടെയും കാര്യങ്ങളിൽ ഗൗരവപൂർണമായ പരാജയമുണ്ടാകുന്ന സംഭവങ്ങളിൽ അദ്ദേഹം കമ്മീഷനുകളെ തിരിച്ചു വിളിക്കണം; ശുശ്രൂഷകരെ അവരുടെ ജോലിയിൽ നിന്നു പിരിച്ചുവിടണം. മാർപാപ്പാ തലവനായ സഭയുടെ പ്രബോധനാധികാരം (മജിസ്തേരിയും) വിശ്വാസത്തിൻ്റെയും ധാർമ്മികതയുടെയും കാര്യങ്ങളിൽ ഐക്യം ഉറപ്പു വരുത്തുന്നു. ഈ ഐക്യമാണ് കത്തോലിക്കാസഭയുടെ ശ്രദ്ധേയമായ സ്ഥിതിഗത്വത്തിൻ്റെയും സ്വാധീനത്തിൻ്റെയും ഒരു കാരണം.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:141)

മാർപാപ്പായുടെ ഉത്തരവാദിത്വം മാർപാപ്പാ pope's responsibility pope കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 141 Bible Theology Church Teachings