പ്രാർത്ഥന സഹായകമല്ലെന്നു കാണുമ്പോൾ എന്തു സംഭവിക്കുന്നു ?

Authored by : Congregation for Doctrine of Faith On 29-Jul-2022

പ്രാർത്ഥന ഉപരിപ്ലവമായ വിജയം അന്വേഷിക്കുന്നില്ല. പിന്നെയോ ദൈവഹിതത്തെയും അവിടന്നുമായുള്ള ഉറബന്ധത്തെയുമാണ് അന്വേഷിക്കുന്നത്. ദൈവത്തിന്റെ അനുഭവവേദ്യമായ നിശ്ശബ്ദത തന്നെ ഒരു ക്ഷണമാണ്. ഒരടികൂടി മുന്നോട്ടു നീങ്ങാനുള്ള ക്ഷണം സമ്പൂർണഭക്തിയിൽ, അളവറ്റ വിശ്വാസത്തിൽ അവസാനമില്ലാത്ത പ്രതീക്ഷയിൽ ദൈവം ആഗ്രഹിക്കുമ്പോഴെല്ലാം സംസാരിക്കാനും അവിടന്ന് ഇഷ്ടപ്പെടുന്നതെല്ലാം നല്കാനും അവിടന്ന് ഇഷ്ടപ്പെടുന്ന രീതിയിൽ സ്വയം ദാനം ചെയ്യാനുമുള്ള പൂർണ സ്വാതന്ത്ര്യം പ്രാർത്ഥിക്കുന്ന ഏവനും അവിടത്തേക്കു നല്കണം.

മിക്കപ്പോഴും നാം ഇങ്ങനെ പറയുന്നു. ഞാൻ പ്രാർത്ഥിച്ചു. പക്ഷേ, അത് അല്പം പോലും സഹായിച്ചില്ല. ഒരു പക്ഷേ, നാം വേണ്ടത്ര തീവ്രതയോടെ പ്രാർത്ഥിച്ചിട്ടുണ്ടാവില്ല. വിജയിക്കാത്തതിനെപ്പറ്റി പരാതി പറഞ്ഞ ഒരു സഹ വൈദികനോട് വിശുദ്ധനായ ആർസിലെ വികാരി ഒരിക്കൽ ചോദിച്ചു: “നീ പ്രാർത്ഥിച്ചു. ദീർഘനിശ്വാസം വിട്ടു. പക്ഷേ, നീ ഉപവസിക്കുകകൂടി ചെയ്തോ? ജാഗരണം നടത്തിയോ? നാം ചിലപ്പോൾ ദൈവത്തോട് വേണ്ടാത്ത കാര്യങ്ങളാണു ചോദിച്ചതെന്നും വരാം. ആവിലായിലെ വിശുദ്ധ തെരേസ ഒരിക്കൽ പറഞ്ഞു: “ലഘുഭാരങ്ങൾക്കുവേണ്ടി പ്രാർത്ഥിക്കരുത് കൂടുതൽ ബലമുള്ള നട്ടെല്ലിനു വേണ്ടി പ്രാർത്ഥിക്കുക”.

കത്തോലിക്ക സഭയുടെ യുവജന മതബോധന ഗ്രന്ഥം ചോദ്യം 507

catechism of the catholic church പ്രാർത്ഥന കത്തോലിക്കാസഭയുടെ മതബോധന ഗ്രന്ഥം മതബോധന ഗ്രന്ഥം CCC prayer YOU CAT 507 പ്രാർത്ഥന സഹായകമല്ലെന്നു കാണുമ്പോൾ എന്തു സംഭവിക്കുന്നു ? Bible Theology Church Teachings