എങ്ങനെ പ്രാർത്ഥിക്കണമെന്ന് യേശുവിൽ നിന്നു പഠിക്കണമെന്നു പറയുന്നതിന്റെ അർത്ഥമെന്താണ്?

Authored by : catechism of the catholic church On 23-Jun-2022

എങ്ങനെ പ്രാർത്ഥിക്കണമെന്ന് യേശുവിൽ നിന്നു പഠിക്കണമെന്നു പറയുന്നതിന്‍റെ അർത്ഥമെന്താണ്?

യേശുവിൽ നിന്നു പ്രാർത്ഥിക്കാൻ പഠിക്കുകയെന്നതിന്‍റെ അർഥം ഇതാണ്. അവിടുന്നിലുള്ള അതിവിശ്വാസത്തിലേക്ക് പ്രവേശിക്കുക, അവിടത്തെ പ്രാർത്ഥനയിൽ ഒന്നു ചേരുക. അവിടത്താൽ നയിക്കപ്പെട്ട് പടിപടിയായി പിതാവിലേക്കു പടിപടിയായി പിതാവിലേക്ക് പ്രവേശിക്കുക [2607-2614, 2621]

യേശുവിന്‍റെ കൂട്ടത്തിൽ ജീവിച്ചിരുന്ന ശിഷ്യന്മാർ, ജീവിതം മുഴുവൻ പ്രാർത്ഥനയായിരുന്ന യേശുവിനെ ശ്രദ്ധിച്ചുകേട്ടും അനുകരിച്ചും പ്രാർത്ഥിക്കാൻ പഠിച്ചു. അവിടത്തെപ്പോലെ അവർക്കും ഹൃദയശുദ്ധിക്കുവേണ്ടി ജാഗ്രത പുലർത്തുകയും പരിശ്രമിക്കുകയും ചെയ്യേണ്ടിവന്നു. ദൈവരാജ്യത്തിന്‍റെ ആഗമനത്തിനു വേണ്ടി സകലതും ത്യജിച്ചു. ശത്രുക്കളോടു ക്ഷമിച്ചു. ദൈവത്തിൽ ധീരതയോടെ ആശ്രയിക്കുകയും സർവോപരി ദൈവത്തെ സ്നേഹിക്കുകയും ചെയ്തു. ഭക്തിയുടെ ഈ മാതൃക കൊണ്ട് സർവശക്തനായ ദൈവത്തോട് “ആബാ, പ്രിയ പിതാവേ' എന്നു പറയാൻ യേശു തന്‍റെ ശിഷ്യന്മാരെ ക്ഷണിച്ചു. നാം യേശുവിന്‍റെ ആത്മാവിൽ പ്രാർത്ഥിക്കുകയാണെങ്കിൽ, പ്രത്യേകിച്ച് കർത്തൃ പ്രാർത്ഥന ചൊല്ലിയാൽ നാം യേശുവിന്‍റെ മാർഗത്തിലൂടെ തന്നെ നടക്കുകയാണ്. പരാജയപ്പെടാതെ പിതൃഹൃദയത്തിൽ എത്തിച്ചേരുമെന്ന് നമുക്ക് തീർച്ചയുണ്ടാകുകയും ചെയ്യും. -[ 495, 496, 512]

കത്തോലിക്ക സഭയുടെ യുവജന മതബോധന ഗ്രന്ഥം ചോദ്യം 477

prayer jesus മതബോധന ഗ്രന്ഥം കത്തോലിക്കാസഭയുടെ മതബോധനഗ്രന്ഥം catechism of the catholic church YOU CAT477 എങ്ങനെ പ്രാർത്ഥിക്കണമെന്ന് യേശുവിൽ നിന്നു പഠിക്കണമെന്നു പറയുന്നതിന്റെ അർത്ഥമെന്താണ്? Bible Theology Church Teachings