ക്രിസ്ത്യാനികൾ സമാധാന പ്രണേതാക്കൾ (Pacifists) ആയിരിക്കണമോ?

Authored by : Congregation for Doctrine of Faith On 05-Aug-2022

സഭ സമാധാനത്തിനു വേണ്ടി പരിശ്രമിക്കുന്നു. എന്നാൽ മൗലിക യുദ്ധവിരുദ്ധ സിദ്ധാന്ത (Pacifism)-ത്തെക്കുറിച്ച് പ്രസംഗിക്കുന്നില്ല. ആയുധം ഉപയോഗിച്ച് സ്വയരക്ഷ നേടാനുള്ള മൗലികാവകാശം ഓരോ പൗരനും പ്രത്യേകം ഗവൺമെന്റുകൾക്കും സഖ്യകക്ഷികൾക്കും ഉണ്ട്. അതു നിഷേധിക്കാൻ ആർക്കും സാധ്യമല്ല. അവസാന ആശയമെന്ന നിലയിൽ മാത്രമേ യുദ്ധം ധാർമ്മികമായി നീതീകരിക്കപ്പെടുകയുള്ളൂ.

യുദ്ധം പാടില്ലെന്ന് സഭ അർത്ഥശങ്കക്കിടയില്ലാതെ പ്രഖ്യാപിക്കുന്നു. യുദ്ധം തുടങ്ങുന്നതിനുമുമ്പ് അത് ഒഴിവാക്കാൻ സർവശ്രമങ്ങളും ക്രൈസ്തവർ നടത്തണം. അവർ ആയുധശേഖരത്തെയും ആയുധവ്യാപാരത്തെയും എതിർക്കുന്നു. അവർ ജാതി സംബന്ധവും വംശപരവും മതപരവുമായ വിവേചനത്തിനെതിരെ പോരാടുന്നു. സാമ്പത്തികവും സാമൂഹികവുമായ അനീതി അവസാനിപ്പിക്കാനും സമാധാനം വളർത്താനും അവർ അധ്വാനിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം: 398)

pacifists സമാധാന പ്രണേതാക്കൾ കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം പ്രണേതാക്കൾ youcat 398 Bible Theology Church Teachings