ആഗോളീകരണം രാഷ്ട്രീയത്തിൻ്റെയും സാമ്പത്തികതയുടെയും കാര്യം മാത്രമാണോ?

Authored by : Congregation for Doctrine of Faith On 09-Aug-2022

തൊഴിലിൻ്റെ വിഭജനം സംബന്ധിച്ച ഒരാശയം ഉപയോഗിക്കാറുണ്ട്. സാമ്പത്തികശാസ്ത്രം സമ്പത്തു വർദ്ധിപ്പിക്കുന്നതിൽ താത്പര്യം കാണിക്കണം. രാഷ്ട്രീയ തന്ത്രമാകട്ടെ അതു നിതിപൂർവ്വം വിതരണം ചെയ്യുന്നതിൽ താത്പര്യം പ്രദർശിപ്പിക്കണം. എന്നാൽ ആഗോളീകരണത്തിൻ്റെ ഒരു യുഗത്തിൽ ലാഭം ആഗോള തലത്തിൽ നേടുന്നു. എന്നാൽ രാഷ്ട്രതന്ത്രമാകട്ടെ മിക്കവാറും ദേശത്തിൻ്റെ അതിരുകൾക്കുള്ളിൽ പരിമിതമായി ഇന്നും നിലകൊള്ളുന്നു. അതുകൊണ്ട് ഇന്ന് ആവശ്യമായിരിക്കുന്നത് പരസ്പര കൈമാറ്റത്തിനുള്ള രാഷ്ട്രീയസ്ഥാപനങ്ങൾ ശക്തിപ്പെടുത്തുകയെന്നതു മാത്രമല്ല, ലോകത്തിലെ കൂടുതൽ ദാരിദ്ര്യമുള്ള പ്രദേശങ്ങളിൽ പ്രവർത്തിക്കുന്ന വ്യക്തികളുടെയും ഗ്രൂപ്പുകളുടെയും സംരംഭങ്ങൾ ഉണ്ടാകുക കൂടി വേണം. അവർ പ്രധാനമായി ലാഭത്തിനുവേണ്ടി മാത്രം പ്രവർത്തിക്കാത്തവരും ഐക്യദാർഢ്യത്തിൻ്റെയും സ്നേഹത്തിൻ്റെയും ചൈതന്യം മൂലം പ്രവർത്തിക്കുന്നവരുമായിരിക്കണം. വിപണിയും രാഷ്ട്രവും അത്യാവശ്യമാണ്. എന്നാൽ സുശക്തമായ ഒരു സിവിൽ സമൂഹവും അത്യാവശ്യമാണ്.

ഒരു വിപണിയിൽ ഉത്പന്നങ്ങളും സേവനങ്ങളും തുല്യമൂല്യമുള്ള വസ്തുക്കൾക്കായി കൈമാറ്റം ചെയ്യുന്നു. എന്നാൽ ഈ ലോകത്തിലെ അനേകം പ്രദേശങ്ങളിൽ ജനങ്ങൾ ഏറെ ദരിദ്രരാണ്. അവർക്ക് പകരമായി ഒന്നും കൊടുക്കാനില്ല. അതുകൊണ്ട് അവർ പിൻതള്ളപ്പെട്ടവരായി തുടരുന്നു. അതുകൊണ്ട് “കൈമാറ്റത്തിൻ്റെ യുക്തിയിൽ" നിർവചിക്കപ്പെടാത്ത, “വ്യവസ്ഥയില്ലാത്ത ദാനത്തിൻ്റെ യുക്തിയാൽ" (ബെനഡിക്ട് 16-ാമൻ, “സത്യത്തിൽ സ്നേഹം”[CIV]) നിർവചിക്കപ്പെട്ടതുമായ സാമ്പത്തിക സംരംഭങ്ങൾ ആവശ്യമാണ്. ഇതിൻ്റെ അർത്ഥം ഇതാണ്. ദരിദ്രർക്ക് കേവലം ധർമ്മം കൊടുക്കുകയല്ല വേണ്ടത്, പിന്നെയോ സാമ്പത്തിക സ്വാതന്ത്ര്യത്തിലേക്കുള്ള വഴികൾ തുറന്നുകൊണ്ട് സ്വയം സഹായിക്കാൻ അവരെ സഹായിക്കുകയാണു വേണ്ടത്. ഉദാഹരണത്തിന്, ചില ക്രൈസ്തവസംരഭങ്ങളുണ്ട്. ഫോക്കോളെയർ പ്രസ്ഥാനത്തിൻ്റെ “കൂട്ടായ്മയുടെ സാമ്പത്തികത” അതിലൊന്നാണ്. അത് ഇന്ന് ലോകവ്യാപകമായി 750 ബിസിനസ്സുകൾ ഉൾക്കൊള്ളുന്നു. അക്രൈസ്തവ സാമൂഹിക സംരംഭങ്ങളുമുണ്ട്. അവ ലാഭം ലക്ഷ്യം വച്ചുകൊണ്ടുള്ളതാണ്. എന്നാൽ ദാരിദ്ര്യവും പാർശ്വവത്കരണവും ലഘൂകരിക്കണമെന്ന ഉദ്ദേശ്യത്തോടെ “ദാനസംസ്കാര”ത്തിൻ്റെ ചൈതന്യത്തിൽ പ്രവർത്തിക്കുന്നു.

കത്തോലിക്കാ സഭയുടെ യുവജന മതബോധനഗ്രന്ഥം(ചോദ്യം: 447)

ആഗോളീകരണം globalization politics and economics രാഷ്ട്രീയവും സാമ്പത്തികതയും കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 447 ആഗോളീകരണം രാഷ്ട്രീയത്തിൻ്റെയും സാമ്പത്തികതയുടെയും കാര്യം മാത്രമാണോ? Bible Theology Church Teachings