നവയുഗ വിശ്വാസമതങ്ങളിലും മറ്റും കാണുന്ന നിഗൂഢ വിദ്യ ക്രൈസ്തവ വിശ്വാസവുമായി ഒത്തുപോകുമോ?

Authored by : Congregation for Doctrine of Faith On 02-Aug-2022

ഇല്ല. - നിഗൂഢ വിദ്യ ദൈവമെന്ന യാഥാർത്ഥ്യത്തെ അവഗണിക്കുന്നു. ദൈവം വ്യക്തിത്വമുള്ള സത്തയാണ്. അവിടന്ന് സ്നേഹമാണ്, ജീവൻ്റെ ഉറവിടമാണ്, തണുത്ത പ്രാപഞ്ചികോർജ്ജമല്ല. മനുഷ്യൻ ദൈവത്താൽ ആഗ്രഹിക്കപ്പെടുകയും സൃഷ്ടിക്കപ്പെടുകയും ചെയ്തവനാണ്. എന്നാൽ അവൻ ദൈവികനല്ല. പിന്നെയോ, പാപത്താൽ മുറിവേല്ക്കപ്പെട്ട സൃഷ്ടിയാണ്, മരണഭീഷണിക്കു വിധേയനാണ്, വീണ്ടെടുപ്പ് ആവശ്യമായിരിക്കുന്നവനുമാണ്. എന്നാൽ നിഗൂഢവിദ്യയുടെ മിക്ക വക്താക്കളും കരുതുന്നത് മനുഷ്യനു സ്വയം രക്ഷിക്കാൻ കഴിയുമെന്നാണ്. യേശുക്രിസ്തുവും ദൈവത്തിൻ്റെ കൃപയും മാത്രമേ രക്ഷിക്കുകയുള്ളൂ എന്നാണ് ക്രൈസ്തവർ വിശ്വസിക്കുന്നത്. പ്രകൃതിയോ പ്രപഞ്ചമോ ദൈവമല്ലതാനും ( ബഹുദേവതാവാദം). സ്രഷ്ടാവ്, നമ്മെ അളവറ്റു സ്നേഹിക്കുന്നെങ്കിലും അവിടന്ന് താൻ സൃഷ്ടിച്ച ഏതു വസ്തുവിനെക്കാളും അനന്ത മഹത്ത്വമുള്ളവനാണ്. 

പലരും ഇന്ന് ആരോഗ്യപരമായ കാരണങ്ങളാൽ 'യോഗ' അഭ്യസിക്കുന്നുണ്ട്. ധ്യാനപദ്ധതിയിൽ ചേരുന്നുമുണ്ട്. കൂടുതൽ പ്രശാന്തതയും ആത്മസംയമനവും നേടാൻ വേണ്ടിയാണത്. ചിലർ നൃത്തപരിശീലന പദ്ധതിയിൽ ചേരുന്നു. പുതിയ രീതിയിൽ തങ്ങളുടെ ശരീരങ്ങൾ അനുഭവിക്കാൻ വേണ്ടിത്തന്നെ. ഈ സാങ്കേതിക വിദ്യകൾ എപ്പോഴും ദോഷരഹിതമല്ല. പലപ്പോഴും ക്രിസ്തുമതത്തിന് അന്യമായ സിദ്ധാന്തങ്ങളിലേക്കുള്ള വാഹനങ്ങളാണവ. വിവേകമുള്ള ഒരു വ്യക്തിയും യുക്തിരഹിതമായ ലോകവീക്ഷണം പുലർത്തരുത്. ആ വീക്ഷണപ്രകാരം ആളുകൾക്ക് മാന്ത്രിക ശക്തികൾ നേടാമെന്നോ നിഗൂഢാരൂപികളെ വശത്താക്കാമെന്നോ “അജ്‌ഞരി”ൽ നിന്നു മറഞ്ഞിരിക്കുന്ന നിഗൂഢജ്ഞാനം “ഉപനയിക്കപ്പെട്ട"വർക്ക് ഉണ്ടാകുമെന്നോ ആളുകൾ കരുതുന്നു. പൗരാണിക ഇസ്രായേലിൽ ചുറ്റുമുള്ള ജനതകളുടെ ദേവന്മാരിലും അരൂപികളിലുമുള്ള വിശ്വാസം മിഥ്യയാണെന്നു വ്യക്തമാക്കിയിരുന്നു. ദൈവം മാത്രമാണു കർത്താവ്, അവിടന്നല്ലാതെ മറ്റൊരു ദൈവമില്ല. “ദൈവികമായതിനെ" പിടിച്ചെടുക്കാനോ വശീകരിക്കാനോ ഒരുവൻ്റെ ആഗ്രഹങ്ങൾ പ്രപഞ്ചത്തിന്മേൽ പ്രയോഗിക്കാനോ ഒരുവനു തന്നെത്തന്നെ രക്ഷിക്കാനോ ഒരു സാങ്കേതിക വിദ്യയുമില്ല. ഇത്തരം നിഗൂഢവിശ്വാസങ്ങളിൽ പലതും അന്ധവിശ്വാസമോ, നിഗൂഢ ജ്ഞാനവാദമോ ആണ്.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം: 356)

നിഗൂഢ വിദ്യ നവയുഗ വിശ്വാസമതങ്ങൾ കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം esotericism new age beliefs youcat 356 നവയുഗ വിശ്വാസമതങ്ങളിലും മറ്റും കാണുന്ന നിഗൂഢ വിദ്യ ക്രൈസ്തവ വിശ്വാസവുമായി ഒത്തുപോകുമോ? Bible Theology Church Teachings