2 പത്രോസ് 3:1-18, കര്‍ത്താവിന്‍റെ പ്രത്യാഗമനം

Authored by : Dr. Theres Nadupadavil On 03-Feb-2021

 2 പത്രോസ് 3:1-18, കര്‍ത്താവിന്‍റെ പ്രത്യാഗമനം

പ്രവാചകവചനങ്ങളുടെയും അപ്പസ്തോലിക പ്രബോധനങ്ങളുടെയും സാധുതയെക്കുറിച്ചു സംസാരിച്ചുകൊണ്ടാണ് കര്‍ത്താവിന്‍റെ പ്രത്യാഗമനത്തെക്കുറിച്ചുള്ള ഉറപ്പിലേക്കു ലേഖനകര്‍ത്താവ് വിശ്വാസികളെ നയിക്കുക. യേശുവിന്‍റെ രണ്ടാമത്തെ ആഗമനം പ്രമേയമാക്കിയി രിക്കുന്ന ഈ ഭാഗത്തും മൂന്നു ഉപവിഭാഗങ്ങള്‍ കാണാവുന്നതാണ്.

• 3:1-7, വ്യാജപ്രബോധനം
• 3:8-13, യുഗാന്ത്യം
• 3:14-18, പ്രതീക്ഷയോടെയുള്ള ജീവിതം

രണ്ടാമധ്യായം വ്യാജപ്രബോധകരെക്കുറിച്ചായിരുന്നെങ്കില്‍ മൂന്നാമ ധ്യായം തുടങ്ങുന്നത് അവരുടെ തെറ്റായ പ്രബോധനങ്ങളെ എടു ത്തുപറഞ്ഞുകൊണ്ടാണ് (വാ. 1-7). അതിനു ശേഷം കര്‍ത്താവിന്‍റെ ആഗമനം സുനിശ്ചിതമാണെന്നതിനുള്ള ന്യായാന്യായവിചാരം നടത്തുന്നതാണു കാണുക (8-13). ഇതു യുഗാന്ത്യത്തോടു ബന്ധപ്പെടുത്തിയാണു അവതരിപ്പിക്കുന്നത് എന്നതും സവിശേഷമായിരിക്കുന്നു. യുഗാന്ത്യപ്രതീക്ഷയില്‍ ജീവിക്കാനുള്ള ആഹ്വാനത്തോടെയാണു ലേഖനം ഉപസംഹരിക്കുന്നത് (വാ. 14-18).  ഓരോ ഉപവിഭാഗവും "പ്രിയപ്പെട്ടവരേ" എന്ന സംബോധനകൊണ്ടാരംഭിക്കുന്നു എന്ന പ്രത്യേകതയും ഈ ഭാഗത്തു കാണാവുന്നതാണ്.

2 Peter 3: 1-18 The return of the Lord Dr. Theres Nadupadavil articles of saint peter in malayalam st peter catholic malayalam Bible Theology Church Teachings