2 പത്രോസ് 2:1-22, വ്യാജപ്രവാചകരും വിനാശവും

Authored by : Dr. Theres Nadupadavil On 03-Feb-2021

2 പത്രോസ് 2:1-22, വ്യാജപ്രവാചകരും വിനാശവും

തങ്ങളുടെ ക്രിസ്തീയ വിളിയെക്കുറിച്ച് അവബോധമില്ലാത്തവര്‍ മറ്റാരുടെ വിളിയിലും വീണുപോകും. ഇതു തിരിച്ചറിഞ്ഞുകൊണ്ട് വിശ്വാസികളെ തങ്ങളുടെ വിളിയിലും വിശ്വാസത്തിലും ഉറപ്പിക്കുന്നതിനു നല്കുന്ന ഉപദേശത്തെ തന്‍റെ സാക്ഷ്യംകൊണ്ട് ആധികാരികമാക്കിയ ശേഷം വ്യാജപ്രബോധകര്‍ക്കും പ്രബോധനങ്ങള്‍ക്കുമെതിരേ ജാഗരൂക ത പാലിക്കുവാന്‍ ആവശ്യപ്പെടുന്നതാണ് രണ്ടാമധ്യായത്തില്‍ കാണുക.

ഈ ഭാഗത്തിനു യൂദാസിന്‍റെ ലേഖനവുമായുള്ള സാമ്യം പ്രത്യേകം ശ്രദ്ധിക്കപ്പെട്ടിട്ടുള്ളതാണ്. യൂദാസ് (വാ. 4-13) പത്രോസിന്‍റെ രണ്ടാംലേഖനത്തോടു കടപ്പെട്ടിരിക്കുന്നുവെന്നും അതല്ല, മറിച്ച്, 2 പത്രോസ് യൂദാസിന്‍റെ ലേഖനത്തോടു കടപ്പെട്ടിരിക്കുന്നുവെന്നുമുള്ള വാദം പണ്ഡിത ലോകത്ത് സാധാരണമാണ്. രണ്ടുപേരും ഏതെങ്കിലും പൊതുവായ രേഖയെ അടിസ്ഥാനമാക്കി സ്വതന്ത്രമായ ഭാഷ്യം നല്കിയതാണെന്നു വിചാരിക്കുകയേ തരമുള്ളൂ.

ഈ അധ്യായത്തെ മൂന്നുഭാഗങ്ങളായി തിരിക്കാവുന്നതാണ്.  വ്യാജോ പദേഷ്ടാക്കള്‍ എന്നുമുണ്ടെന്ന് ഓര്‍മ്മിപ്പിച്ചുകൊണ്ടു തുടങ്ങുന്ന ആദ്യഭാഗം (വാ. 1-3) അവരെക്കുറിച്ചു മാത്രം പറയുന്ന ഈ ഭാഗത്തിന് ഒരാമുഖമായിരിക്കുന്നു. തുടര്‍ന്നുവരുന്ന ഭാഗം വ്യാജപ്രവാചകര്‍ക്കു ലഭിച്ച ശിക്ഷയെക്കുറിച്ച് പഴയ നിയമചരിത്രത്തില്‍നിന്ന് വിവരിക്കുന്ന താണ് (വാ. 4-10a).  അവസാനഭാഗം വ്യാജപ്രവാചകരുടെ ഹീനസ്വഭാവ ത്തെ വെളിവാക്കുന്നതാണ് (വാ. 10b-22).    

2 Peter 2: 1-22 false prophets and destruction Dr. Theres Nadupadavil articles of saint peter in malayalam bible peter catholic malayalam Bible Theology Church Teachings