x

Thank You

We appreciate that you have taken the time to write us. We will get back to you very soon. Please come back and see us often.


Follow Us
Facebook
Message To
WHATSAPP
Write Us
Email

ദൈവശാസ്ത്ര വിഷയങ്ങള്‍

west ദൈവശാസ്ത്ര വിഷയങ്ങള്‍/ ആത്മീയ ദൈവശാസ്ത്രം

കത്തോലിക്കർ വിശുദ്ധരുടെ തിരുശേഷിപ്പുകൾ സൂക്ഷിക്കുന്നതും അത് വണങ്ങുന്നതും വചനാധിഷ്ഠിതമാണോ?

Authored by : Fr. George Panamthottam CMI On 03-Nov-2022

ക്രിസ്തുവിന്റെ വസ്ത്രത്തെ സ്പർശിച്ചവർക്ക് സൗഖ്യം ലഭിച്ചിട്ടുണ്ട്. വിശുദ്ധരായി ജീവിക്കുന്നവരുടെ അസ്ഥികളും അവർ ഉപയോഗിച്ചിരുന്ന വസ്തുക്കളും ആദരവോടെ സൂക്ഷിക്കേണ്ടതിനെ സംബന്ധിച്ചു തിരുവചനം നിരവധി സ്ഥലങ്ങളിൽ പ്രതിപാദിക്കുന്നുണ്ട്.

“അവന്റെ (ക്രിസ്തുവിന്റെ) വസ്ത്രത്തിന്റെ വിളുമ്പിൽ ഒന്ന് തൊടാനെങ്കിലും അനുവദിക്കണമെന്നു അവർ അവനോടപേക്ഷിച്ചു. സ്പർശിച്ചവരെല്ലാം സുഖം പ്രാപിക്കുകയും ചെയ്തു" (മത്തായി 14 : 36). വിശ്വാസത്തോടെ ക്രിസ്തുവിന്റെ വസ്ത്രത്തിൽ സ്പർശിച്ച രക്തസ്രാവക്കാരി സുഖപ്പെട്ടു (മത്തായി 9 : 19-22). “ഏലിയാ മേലങ്കിയെടുത്ത് ചുരുട്ടി വെള്ളത്തിൽ അടിച്ചു. വെള്ളം ഇരുവശത്തേക്കും മാറി. ഇരുവരും ഉണങ്ങിയ നിലത്തുകൂടി അക്കരെ നടന്നു” ( 2 രാജാ. 2:8). ഇതേ മേലങ്കി ഉപയോഗിച്ച് ഇതേ അത്ഭുതം ഏലീഷാ ആവർത്തിച്ചു. “അവൻ (ഏലീഷാ) ഏലിയായിൽ നിന്ന് വീണുകിട്ടിയ മേലങ്കിയുമായി ജോർദ്ദാന്റെ കരയിൽ ചെന്നുനിന്നു. അവൻ അത് വെള്ളത്തിന്മേൽ അടിച്ചുകൊണ്ട് പറഞ്ഞു: ഏലിയായുടെ ദൈവമായ കർത്താവ് എവിടെ? അവൻ വെള്ളത്തിന്മേൽ അടിച്ചപ്പോൾ വെള്ളം ഇരുവശത്തേയ്ക്കും മാറി. അവൻ കടന്നുപോയി (2 രാജ. 2:13, 14). ഏലിയായുടെ മേലങ്കിയായ തിരുശേഷിപ്പിലൂടെ ദൈവം അത്ഭുതം പ്രവർത്തിച്ചു.

“അവർ രോഗികളെ തെരുവീഥികളിൽ കൊണ്ടുവന്നു കിടക്കകളിലും കട്ടിലുകളിലും കിടത്തിയിരുന്നു. പത്രോസ് കടന്നുപോകുമ്പോൾ അവന്റെ നിഴലെങ്കിലും അവരിൽ ഏതാനും പേരുടെമേൽ പതിക്കുന്നതിനുവേണ്ടിയായിരുന്നത്” (അപ്പ. 5:15). നിഴൽപോലും അത്ഭുതങ്ങൾ പ്രവർത്തിക്കാൻ പ്രേരകമാകുന്നു. “ഒരുവനെ സംസ്കരിക്കാൻ കൊണ്ടുപോകുമ്പോൾ അക്രമസംഘത്തെ കണ്ട് അവർ ജഡം ഏലീഷായുടെ കല്ലറയിലേക്ക് എറിഞ്ഞു. ഏലീഷായുടെ അസ്ഥികളെ സ്പർശിച്ചപ്പോൾ ജഡം ജീവൻ പ്രാപിച്ച് എഴുന്നേറ്റുനിന്നു” (2 രാജ. 13:21). തിരുശേഷിപ്പായ അസ്ഥിയിൽ സ്പർശിച്ചപ്പോൾ ജഡത്തിന് ജീവനുണ്ടാകുന്നു.

“ജോസഫ് ഇസ്രയേൽക്കാരെക്കൊണ്ടു സത്യം ചെയ്യിച്ചിരുന്നതനുസരിച്ച് മോശ ജോസഫിന്റെ അസ്ഥികളും കൂടെ കൊണ്ടു പോയി. ജോസഫ് അവരോടു പറഞ്ഞിരുന്നു: “ദൈവം തീർച്ചയായും നിങ്ങളെ സന്ദർശിക്കും. അപ്പോൾ എന്റെ അസ്ഥികൾ ഇവിടെ നിന്നു നിങ്ങളുടെ കൂടെ കൊണ്ടുപോകണം" (പുറ. 13:19). ജോസഫിന്റെ അസ്ഥികളെ തിരുശേഷിപ്പുകളായി കണ്ട് ആദരിക്കുന്നു.

ഈ ലോകത്തിൽ വിശുദ്ധരായി ജീവിച്ചിരുന്നവരുടെയും ദൈവം വിശുദ്ധരുടെ ഗണത്തിലേക്ക് ഉയർത്തിയവരുടെയും തിരുശേഷിപ്പുകളെ ആദരിക്കുന്നത് ഒരു ബൈബിൾ പാരമ്പര്യമാണ്. അത്ഭുതങ്ങളും അടയാളങ്ങളും നിരവധിയായി തിരുശേഷിപ്പുകളിലൂടെ സംഭവിക്കുന്നു എന്നു തിരുവചന ഉദാഹരണങ്ങളിലൂടെ നമുക്കു വ്യക്തമാകുന്നു. അതിനാൽ, കത്തോലിക്കാസഭ എന്നും വിശുദ്ധരുടെ തിരുശേഷിപ്പുകൾ വിശുദ്ധമായി സൂക്ഷിക്കുന്നു. അവയെ ആദരിക്കുകയും ചെയ്യുന്നു.

Living faith series : 9 (ചോദ്യം:2)

Living faith series : 9 (ചോദ്യം:2) Fr. George Panamthottam CMI മത്തായി 14 : 36 മത്തായി 9 : 19-22 2 രാജാ. 2:8 2 രാജ. 2:13 14 അപ്പ. 5:15 2 രാജ. 13:21 പുറ. 13:19 Bible Theology Church Teachings


അഭിപ്രായങ്ങൾ

Your Name Contact Number Email ID
Message