മനുഷ്യജീവൻ്റെ മേലുള്ള ഏതെല്ലാം തരത്തിലുള്ള ആക്രമണങ്ങളാണ് അഞ്ചാം കല്പന വഴി നിരോധിക്കപ്പെട്ടിട്ടുള്ളത്?

Authored by : Congregation for Doctrine of Faith On 04-Aug-2022

കൊലപാതകവും കൊലപാതകത്തിൽ സഹകരിക്കുന്നതും നിരോധിക്കപ്പെട്ടിരിക്കുന്നു. യുദ്ധത്തിൽ, നിരായുധരായവരെ വധിക്കുന്നതും നിരോധിക്കപ്പെട്ടിട്ടുണ്ട്. മനുഷ്യജീവിയെ, ഗർഭസ്ഥാവസ്ഥയുടെ ആരംഭ നിമിഷം മുതൽ എപ്പോഴെങ്കിലും ഗർച്ഛിദ്രം നടത്തി വധിക്കുന്നതും നിരോധിച്ചിരിക്കുന്നു. ആത്മഹത്യ, സ്വയം ചെയ്യുന്ന അംഗവിച്ഛേദം, സ്വയം നശിപ്പിക്കുന്ന പെരുമാറ്റം എന്നിവ നിരോധിക്കപ്പെട്ടിരിക്കുന്നു. കാരുണ്യ വധവും, അംഗവൈകല്യമുള്ളവരെയോ രോഗികളെയോ മരണാസന്നരെയോ വധിക്കുന്നതും നിരോധിക്കപ്പെട്ടിരിക്കുന്നു. 

അഞ്ചാംകല്പന വഞ്ചനാപൂർവം ഒഴിവാക്കാൻ ഇന്ന് ആളുകൾ പലപ്പോഴും ശ്രമിക്കുന്നു. മാനുഷികമെന്നു തോന്നിക്കുന്ന വാദമുമുഖങ്ങൾ ഉപയോഗിച്ചാണ് അങ്ങനെ ചെയ്യുന്നത്. എന്നാൽ കാരുണ്യവധമോ ഗർഭച്ഛിദ്രമോ മാനുഷിക പരിഹാരമാർഗമല്ല, അതുകൊണ്ടാണ് സഭ ഈ പ്രശ്നങ്ങളിൽ തികച്ചും വ്യക്തമായ നിലപാട് സ്വീകരിച്ചിരിക്കുന്നത്. ഗർഭച്ഛിദ്രത്തിൽ സഹകരിക്കുകയോ ഒരു സ്ത്രീയെ ഗർഭച്ഛിദ്രത്തിനു വിധേയയാകാൻ നിർബന്ധിക്കുകയോ അങ്ങനെ ചെയ്യാൻ ഉപദേശിക്കുക പോലുമോ ചെയ്യുന്ന ഏതു വ്യക്തിയും മനുഷ്യജീവനെതിരായ മറ്റു കുറ്റങ്ങൾ ചെയ്യുമ്പോഴെന്ന പോലെ സ്വാഭാവികമായി സഭാഭ്രഷ്ടനാക്കപ്പെടും. ഒരു മാനസിക രോഗി ആത്മഹത്യ ചെയ്താൽ കൊലയെന്ന പ്രവൃത്തിയുടെ ഉത്തരവാദിത്വം മിക്കപ്പോഴും കുറഞ്ഞിരിക്കും, പല സംഭവങ്ങളിലും പൂർണമായി റദ്ദാക്കപ്പെടുകയും ചെയ്യും. 

കത്തോലിക്കാ സഭയുടെ യുവജന മതബോധനഗ്രന്ഥം(ചോദ്യം: 379)

fifth commandment അഞ്ചാം കല്പന കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം മനുഷ്യജീവൻ്റെ മേലുള്ള ആക്രമണം attacks on humanlife youcat 379 മനുഷ്യജീവൻ്റെ മേലുള്ള ഏതെല്ലാം തരത്തിലുള്ള ആക്രമണങ്ങളാണ് അഞ്ചാം കല്പന വഴി നിരോധിക്കപ്പെട്ടിട്ടുള്ളത്? Bible Theology Church Teachings