മുതലാളിത്തത്തെ അല്ലെങ്കിൽ സ്വതന്ത്ര വിപണി സാമ്പത്തികതയെ സംബന്ധിച്ച് സഭയുടെ നിലപാട് എന്താണ്?

Authored by : Congregation for Doctrine of Faith On 09-Aug-2022

സുസ്ഥാപിതമായ നിയമ വ്യവസ്ഥിതിയിൽ അടിയുറപ്പിക്കാത്ത മുതലാളിത്തത്തിൻ്റെ ഏതു രൂപവും പൊതുനന്മയിൽ നിന്ന് സ്വയം പിന്മാറുകയും വ്യക്തികൾക്കു ലാഭമുണ്ടാക്കാൻ മാത്രമുള്ള മാർഗമായിത്തീരുകയും ചെയ്യുകയെന്ന അപകടത്തിലാണ്. സഭ അതിനെ സുനിശ്ചിതമായി തള്ളിക്കളയുന്നു. നേരേ മറിച്ച്, മനുഷ്യനു സേവനം ചെയ്യുകയും കുത്തകകളെ നിരോധിക്കുകയും എല്ലാവർക്കും തൊഴിലും ജീവിക്കാൻ അത്യാവശ്യമായ വിഭവങ്ങളും നൽകുകയും ചെയ്യുന്ന സ്വതന്ത്ര വിപണി സമ്പ്രദായത്തെ സഭ പിന്താങ്ങുന്നു.

കത്തോലിക്കാ സാമൂഹിക പ്രബോധനം എല്ലാ സാമൂഹിക സമ്പ്രദായങ്ങളെയും അവ പൊതുനന്മയ്ക്കു സേവനം ചെയ്യുന്നുണ്ടോയെന്ന ചോദ്യത്തിൻ്റെ അടിസ്ഥാനത്തിൽ വിലയിരുത്തുന്നു. അതായത്, “മനുഷ്യർക്കും കുടുംബങ്ങൾക്കും സംഘടനകൾക്കും അവയുടെ പൂർണതകൾ പര്യാപ്തമായും പെട്ടെന്നും പ്രാപിക്കാൻ” (രണ്ടാം വത്തിക്കാൻ കൗൺസിൽ “ഗാവുദിയും ഏത്ത് സ്പെസ്") അവയ്ക്ക് കഴിവുണ്ടോയെന്നു വിലയിരുത്തുന്നു. വ്യവസായത്തെ സംബന്ധിച്ചും ഇതു ശരിയാണ്. അത് ഒന്നാമതായി മനുഷ്യസേവനത്തിനുള്ളതായിരിക്കണം.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം:442)

capitalism free market സ്വതന്ത്ര വിപണി മുതലാളിത്തം കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 442 മുതലാളിത്തത്തെ അല്ലെങ്കിൽ സ്വതന്ത്ര വിപണി സാമ്പത്തികതയെ സംബന്ധിച്ച് സഭയുടെ നിലപാട് എന്താണ്? Bible Theology Church Teachings