എന്താണു സ്ഥൈര്യലേപനം?

Authored by : Congregation for Doctrine of Faith On 01-Jul-2022

മാമ്മോദീസയെ പൂർത്തീകരിക്കുന്ന കൂദാശയാണ് സ്ഥൈര്യലേപനം? അതിൽ പരിശുദ്ധാത്മാവിൻ്റെ ദാനം നമ്മുടെ മേൽ ചൊരിയുന്നു. ദൈവത്തിൻ്റെ ശിശുവായി ജീവിക്കാൻ സ്വതന്ത്രമായി നിശ്ചയിക്കുകയും കൈവയ്പ്, ക്രിസം(മൂറോൻ) കൊണ്ടുള്ള ലേപനം എന്നീ അടയാളങ്ങളുടെ കീഴിൽ ദൈവത്തിൻ്റെ ആത്മാവു ലഭിക്കാൻ അപേക്ഷിക്കുകയും ചെയ്യുന്ന വ്യക്തി വാക്കിലും പ്രവൃത്തിയിലും ദൈവത്തിൻ്റെ സ്നേഹത്തിനും ശക്തിക്കും സാക്ഷ്യം വഹിക്കാനുള്ള വീര്യം സ്വീകരിക്കുന്നു. ആ വ്യക്തി അപ്പോൾ കത്തോലിക്കാ സഭയുടെ പൂർണതയുള്ള, ഉത്തരവാദിത്വബോധമുള്ള പൂർണ അംഗമായിത്തീരുന്നു. [1285-1314]

കളിസ്ഥലത്തേക്ക് ഒരു സോക്കർകളിക്കാരനെ കോച്ചു പറഞ്ഞു വിടുമ്പോൾ അയാൾ അവൻ്റെ തോളിൽ കൈവച്ച് അവസാന നിർദ്ദേശങ്ങൾ നല്കുന്നു. ഇതിനോട് സമാനമായ രീതിയിൽ നമുക്കു സ്ഥൈര്യലേപനം മനസ്സിലാക്കാം. നമ്മുടെ മേൽ ഒരു കൈവയ്ക്കുന്നു. നാം ജീവിതത്തിൻ്റെ മണ്ഡലത്തിലേക്ക് കാലെടുത്തു വയ്ക്കുന്നു. നാം എന്താണു ചെയ്യേണ്ടതെന്ന് പരിശുദ്ധാത്മാവിലൂടെ നമുക്ക് അറിയാം. അതു ചെയ്യാൻ വേണ്ടി ശക്തി നമുക്കു നല്കപ്പെട്ടിട്ടുമുണ്ട്. അവിടന്ന് നമുക്കു ലക്ഷ്യം നല്കിയിരിക്കുന്നു. അവിടത്തെ ദൗത്യം നമ്മുടെ ചെവികളിൽ മുഴങ്ങുന്നു. നാം അവിടത്തെ സഹായം അനുഭവിച്ചറിയുന്നു. നാം അവിടത്തെ വിശ്വസ്തതയെ ഒറ്റിക്കൊടുക്കുകയില്ല. അവിടത്തെ നിരാശപ്പെടുത്തുകയില്ല.അവിടത്തേയ്ക്കായി കളിയിൽ വിജയം വരിക്കും, അതു ചെയ്യാൻ നാം ആഗ്രഹിക്കുകയും അവിടത്തെ ശ്രദ്ധിക്കുകയും ചെയ്താൽ മതി.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:203)

sacrements confirmation what is sacraments കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 203 എന്താണു സ്ഥൈര്യലേപനം? Bible Theology Church Teachings