ജീവിക്കുന്ന മനുഷ്യൻ്റെമേൽ പരീക്ഷണങ്ങൾ നടത്തുന്നത് അനുവദനീയമാണോ?

Authored by : Congregation for Doctrine of Faith On 05-Aug-2022

പ്രതീക്ഷിക്കുന്ന ഫലങ്ങൾ മാനുഷിക ക്ഷേമം സംബന്ധിച്ചിടത്തോളം സുപ്രധാനമായിരിക്കുകയും അവ മറ്റാെരു തരത്തിലും ലഭ്യമല്ലാതിരിക്കുകയും ചെയ്യുന്നെങ്കിൽ മാത്രമേ ജീവനുള്ള മനുഷ്യരുടെ മേൽ ശാസ്ത്രീയമോ മനശ്ശാസ്ത്രപരമോ വൈദ്യശാസ്ത്രപരമോ ആയ പരീക്ഷണങ്ങൾ നടത്താൻ അനുവാദമുള്ളൂ. ബന്ധപ്പെട്ട വ്യക്തിയുടെ സ്വതന്ത്രവും ബോധപൂർവകവുമായ സമ്മതമുണ്ടായിരിക്കണം ഇങ്ങനെയുള്ള ഏതു പരീക്ഷണവും നടത്താൻ. 

കൂടാതെ പരീക്ഷണങ്ങൾ ആനുപാതികമല്ലാത്തവിധം അപകട സാധ്യതയുള്ളതായിരിക്കാനും പാടില്ല. മനുഷ്യരെ അവരുടെ സമ്മതം കൂടാതെ ഗവേഷണ വിഷയമാക്കുന്നത് കുറ്റകൃത്യമാണ്. ജോൺ പോൾ രണ്ടാമൻ മാർപാപ്പായുടെ വിശ്വസ്ത സുഹൃത്തായിരുന്ന ഡോ. വാൻഡാ പോൾത്തവ്സ്ക നമ്മെ ഓർമ്മിപ്പിക്കുന്നുണ്ട് അന്നും ഇന്നും എന്താണ് അപകടത്തിലായിരിക്കുന്നതെന്ന്. അദ്ദേഹം പോളണ്ടിലെ ചെറുത്തുനില്പ് പടയാളിയായിരുന്നു. നാസികളുടെ ഭരണകാലത്ത് അദ്ദേഹം റാവെൻസ്ക്ബ്രൂക്കിലെ കോൺസെൻട്രേഷൻ ക്യാംപിൽ കുറ്റകൃത്യ സംബന്ധമായ മാനുഷികപരീക്ഷണങ്ങളുടെ ഇരയായി. ഒരു മനോരോഗ ചികിത്സകനായ അദ്ദേഹം പിന്നീട് വൈദ്യശാസ്ത്ര ധാർമ്മികത പരിഷ്കരിക്കുന്നതിൻ്റ വക്താവായി. ജീവനുവേണ്ടിയുള്ള പൊന്തിഫിക്കൽ അക്കാദമിയുടെ സ്ഥാപകാംഗങ്ങളിൽ ഒരാളാവുകയും ചെയ്തു.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം: 390)

experiment on a live human being പരീക്ഷണങ്ങൾ കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം ജീവിക്കുന്ന മനുഷ്യൻ്റെമേലുള്ള പരീക്ഷണങ്ങൾ youcat 390 ജീവിക്കുന്ന മനുഷ്യൻ്റെമേൽ പരീക്ഷണങ്ങൾ നടത്തുന്നത് അനുവദനീയമാണോ? Bible Theology Church Teachings