എങ്ങനെയാണ് ക്രിസ്ത്യാനികൾ ഞായറാഴ്ചയെ കർത്താവിൻ്റെ ദിവസമാക്കുന്നത്?

Authored by : Congregation for Doctrine of Faith On 03-Aug-2022

കത്തോലിക്കനായ ക്രൈസ്തവൻ ഞായറാഴ്ചയോ തലേശനിയാഴ്ച രാത്രിയോ ദിവ്യബലിയിൽ സംബന്ധിക്കുന്നു. ദൈവാരാധന തടയുകയോ ആ ദിവസത്തിൻ്റെ ആഘോഷപരവും സന്തോഷകരവും വിശ്രമപൂർണവും പുനഃസ്ഥാപനപരവുമായ സ്വഭാവം തടയുകയോ ചെയ്തേക്കാവുന്ന എല്ലാ ജോലിയും ഞായറാഴ്ച ദിവസം ഒഴിവാക്കുന്നു. 

ഓരോ ആഴ്ചയിലും സംഭവിക്കുന്ന ഈസ്റ്റർ ആഘോഷമാണ് ഞായറാഴ്ച. അതുകൊണ്ട് ക്രൈസ്തവർ ആദിമകാലം മുതൽ ആ ദിവസം ആഘോഷിക്കാനും തങ്ങളുടെ രക്ഷകനു നന്ദി പറയാനും തങ്ങളെത്തന്നെ അവിടത്തോടും രക്ഷിക്കപ്പെട്ട മറ്റുള്ളവരോടും പുനരൈക്യപ്പെടുത്താനുമായി സമ്മേളിച്ചിരുന്നു. അതുകൊണ്ട്, ഞായറാഴ്ചയും സഭയുടെ മറ്റു വിശുദ്ധ ദിനങ്ങളും “വിശുദ്ധമായി ആചരിക്കുക"യെന്നത് മനഃസാക്ഷിപ്രകാരം ജീവിക്കുന്ന ഓരോ കത്തോലിക്കാ ക്രൈസ്തവൻ്റെയും അതീവ പ്രാധാന്യമുള്ള കടമയാണത്. അടിയന്തരസ്വഭാവമുള്ള കുടുംബപരമായ കടമകളോ സമൂഹത്തിൽ അതിപ്രാധാന്യമർഹിക്കുന്ന ഉത്തരവാദിത്വങ്ങളോ ഉള്ളപ്പോൾ മാത്രമാണ് ഒരുവൻ ഈ കടമയിൽ നിന്ന് ഒഴിവാക്കപ്പെടുന്നത്. ഞായറാഴ്ച ദിവസം വിശുദ്ധ കുർബാനയിൽ പങ്കുചേരുകയെന്നത് ക്രൈസ്തവ ജീവിതത്തെ സംബന്ധിച്ചിടത്തോളം മൗലിക പ്രാധാന്യമർഹിക്കുന്ന കാര്യമാണ്. തന്മൂലം, തക്ക കാരണമില്ലാതെ ഞായറാഴ്ച കുർബാനയിൽ നിന്നു മാറിനിൽക്കുന്നത് ഗൗരവാവഹമായ പാപമാണെന്ന് സഭ വ്യക്തമായി പ്രഖ്യാപിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം: 365)

കർത്താവിൻ്റെ ദിവസം lord's day കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 365 എങ്ങനെയാണ് ക്രിസ്ത്യാനികൾ ഞായറാഴ്ചയെ “കർത്താവിൻ്റെ ദിവസ Bible Theology Church Teachings