x

Thank You

We appreciate that you have taken the time to write us. We will get back to you very soon. Please come back and see us often.


Follow Us
Facebook
Message To
WHATSAPP
Write Us
Email

ബൈബിള്‍ പഠനങ്ങള്‍

west ബൈബിള്‍ പഠനങ്ങള്‍/ ബൈബിളിലെ പുസ്തകങ്ങൾ

വി. യോഹന്നാന്റെ സുവിശേഷം,20:11-29, പ്രത്യക്ഷീകരണങ്ങള്‍

Authored by : Rev. Msgr. Dr. Mathew Vellanickal On 09-Feb-2021

ഉത്ഥിതനായ മിശിഹായുടെ മൂന്നു പ്രത്യക്ഷീകരണങ്ങളാണ് യോഹന്നാന്‍ സുവിശേഷകന്‍ ഈ അദ്ധ്യായത്തില്‍ രേഖപ്പെടുത്തുന്നത്:

  1. മഗ്ദലേനമറിയത്തിന്
  2. ശിഷ്യന്മാര്‍ക്ക്
  3. തോമ്മാശ്ലീഹായ്ക്ക്

 പ്രത്യക്ഷീകരണങ്ങള്‍ ഉത്ഥാനത്തിന്‍റെ വ്യതിരിക്തതയെ വ്യക്തമാക്കുന്നവയാണ്. ഈലോകജീവിതത്തില്‍ നിന്നും തികച്ചും വ്യത്യസ്തമാണ് ഉത്ഥാനാനന്തരജീവിതം എന്നതാണ് പ്രത്യക്ഷീകരണങ്ങള്‍ സാക്ഷ്യപ്പെടുത്തുന്നത്. ഉത്ഥിതനെ തല്‍ക്ഷണം തിരിച്ചറിയുവാന്‍ കഴിയാതെ പോകുന്നത് ഇതിന്‍റെ സൂചനയാണ്. മഗ്ദലേനമറിയം ഒരു തോട്ടക്കാരനായിട്ടാണ് ഈശോ യെ കാണുന്നതെങ്കില്‍, എമ്മാവൂസിലേക്കുപോയ ശിഷ്യര്‍ക്ക് ഒരു വഴിപോക്കനായിട്ടാണ് ഈശോ പ്രത്യക്ഷപ്പെട്ടത് (ലൂക്കാ 24:13-35). അതുപോലെതന്നെ ഉത്ഥാനാനുഭവത്തിന്‍റെ വ്യത്യസ്തവശങ്ങളാണ് പ്രത്യക്ഷീകരണങ്ങള്‍ വ്യക്തമാക്കുന്നത്. ഉത്ഥിതനെ കണ്ടുമുട്ടുക എന്നത് വെറും സ്വാഭാവികമായ, മാനുഷികമായ, ഒരു പ്രതിഭാസമല്ലെന്നും, അത് ഒരു വിശ്വാസാനുഭവമാണെന്നും ഇത് സൂചിപ്പിക്കുന്നു. ഉത്ഥിതന്‍റെ ഒരു വാക്കോ അല്ലെങ്കില്‍ ഒരു പ്രവൃത്തിയോ ആണ് ഈ തിരിച്ചറിവിന് സഹായകമാകുന്നത്. ഈശോ മരിച്ച് മണ്‍മറഞ്ഞുപോയ വ്യക്തിയല്ല, മറിച്ച്, ഇന്നും എന്നും ജീവിക്കുന്നവനാണ് എന്ന യാഥാര്‍ത്ഥ്യവും ഈ പ്രത്യക്ഷീകരണവിവരണങ്ങള്‍ വ്യക്തമാക്കുന്നു: "പീഡാനുഭവത്തിനുശേഷം നാല്‍പതു ദിവസത്തേക്ക് ഈശോ അവരുടെയിടയില്‍ പ്രത്യക്ഷനായി ദൈവരാജ്യത്തെക്കുറിച്ച് പഠിപ്പിച്ചു. അങ്ങനെ അവന്‍ അവര്‍ക്ക് വേണ്ടത്ര തെളിവുകള്‍ നല്കിക്കൊണ്ട്, ജീവിക്കുന്നവനായി പ്രത്യക്ഷപ്പെട്ടു" (നട 1:3).

Gospel of John 20: 11-29 Revelation gospel of john catholic malayalam Rev. Msgr. Dr. Mathew Vellanickal Bible Theology Church Teachings


അഭിപ്രായങ്ങൾ

Your Name Contact Number Email ID
Message