x

Thank You

We appreciate that you have taken the time to write us. We will get back to you very soon. Please come back and see us often.


Follow Us
Facebook
Message To
WHATSAPP
Write Us
Email

ദൈവശാസ്ത്ര വിഷയങ്ങള്‍

ക്രിസ്തു സഭ സ്ഥാപിച്ചപ്പോൾ ആ സഭയ്ക്ക് ഇന്നുള്ളതുപോലെ ദൃശ്യമായ ഒരു ഹയരാർക്കിക ഘടന ഉണ്ടാകണമെന്ന് അവിടുന്നു ആഗ്രഹിച്ചുവോ ?

Authored by : Fr. George Panamthottam CMI On 23-Aug-2022

ക്രിസ്തുവിന്റെ സഭ വിശ്വാസികളുടെ കൂട്ടായ്മയായതിനാൽ അത് അദൃശ്യമാണെന്നും ക്രിസ്തു സഭയ്ക്ക് ദൃശ്യമായ ഘടന നൽകിയിട്ടില്ലെന്നും അതിനാൽ കത്തോലിക്കാ സഭയുടെ ഹയരാർക്കിക ഘടന ക്രിസ്തു സ്ഥാപിതമല്ലെന്നും ചിലർ, പ്രത്യേകിച്ച് പെന്തക്കുസ്താ സമൂഹം വാദിക്കുന്നു. ഇന്നു നിലവിലുള്ളതുപോലെ ദൃശ്യമായ ഒരു ഹയരാർക്കിക ഘടന സഭയ്ക്കുണ്ടാകണമെന്ന് ക്രിസ്തു ആഗ്രഹിച്ചുവോ എന്നു തിരുവചനം പരിശോധിച്ചാലെ നമുക്കു മനസിലാക്കാൻ കഴിയൂ.

ക്രിസ്തു, താൻ സ്ഥാപിച്ച സഭയ്ക്ക് ദൃശ്യമായ ഘടന നൽകിയതിന്റെ ഒന്നാമത്തെ തെളിവാണ് പത്രോസിന് അധികാരം നൽകി സഭയുടെ തലവനായി നിയോഗിച്ചത്. പിന്നീട് ഓരോ ദൗത്യങ്ങളും അധികാരങ്ങളും ക്രിസ്തു സഭയ്ക്ക് നൽകുന്നുണ്ട്. “ദൈവം സഭയിൽ ഒന്നാമത് അപ്പസ്തോലന്മാരെയും രണ്ടാമത് പ്രവാചകന്മാരെയും മൂന്നാമത് പ്രബോധകരെയും തുടർന്ന് അത്ഭുത പ്രവർത്തകർ, രോഗശാന്തി നല്കുന്നവർ, സഹായകർ, ഭരണകർത്താക്കൾ, വിവിധ ഭാഷകളിൽ സംസാരിക്കുന്നവർ എന്നിവരെയും നിയമിച്ചിരിക്കുന്നു.” (1 കോറി; 12:28). താൻ സ്ഥാപിച്ച സഭയ്ക്ക് ദൃശ്യമായ ഒരു അധികാര സംവിധാനം ആവശ്യമായതുകൊണ്ടാണല്ലോ അവിടുന്ന് ഇങ്ങനെ നിശ്ചയിച്ചത്.

സഭയുടെ അധികാരത്തെ സൂചിപ്പിച്ചുകൊണ്ട് ക്രിസ്തു പറയുന്നു: “സഭയെപ്പോലും അനുസരിക്കുന്നില്ലെങ്കിൽ, അവൻ നിനക്ക് വിജാതീയനെ പോലെയും ചുങ്കക്കാരനെ പോലെയും ആയിരിക്കട്ടെ'' (മത്താ. 18:17). തുടർന്ന്, സഭയെ ഭരിക്കാൻ ശ്രേഷ്ഠന്മാരെ നിയോഗിക്കുന്ന വചനം കാണാം. “സഭയെ നന്നായി ഭരിക്കുന്ന ശ്രേഷ്ഠൻ” (1 തിമോ. 5:7). “അവർ സഭകൾ തോറും ശ്രേഷ്ഠന്മാരെ നിയമിച്ചു” (അപ്പ. 14:23). “പുറമേയുള്ളവരെ വിധിക്കാൻ എനിക്കെന്ത് കാര്യം? സഭയിലുള്ളവരെയല്ലേ നിങ്ങൾ വിധിക്കേണ്ടത്?” (1 കോറി; 5:12). സഭ അദൃശ്യമാണെങ്കിൽ അധികാരങ്ങളെന്തിന്? ശ്രേഷ്ഠന്മാരെന്തിന്? വിധിക്കാൻ സാധിക്കുന്നത് എങ്ങനെ? തിരുസഭയുടെ എല്ലാ അധികാരങ്ങളും ഇന്നു നിലവിലുള്ള ഹയരാർക്കിക ഘടനയും ക്രിസ്തു ഭരമേല്പിച്ചിരിക്കുന്ന വിവിധങ്ങളായ ദൗത്യങ്ങൾ സഭയ്ക്കുള്ളിലും സമൂഹത്തിലും നിർവ്വഹിക്കാൻ വേണ്ടിയുള്ളതാണ്. ഇതു പരിശുദ്ധാത്മാവിലൂടെയാണു നല്കപ്പെടുന്നത്. ഇങ്ങനെ, ക്രിസ്തുവിന്റെ സഭയ്ക്ക് ദൃശ്യമായ ഒരു ഹയരാർക്കിക ഘടനയുണ്ടാകണമെന്ന് ക്രിസ്തു ആഗ്രഹിച്ചതായി ബൈബിൾ വ്യക്തമാക്കുന്നു. 

കത്തോലിക്കാ സഭയ്ക്ക് ക്രിസ്തു നൽകിയ ദൃശ്യമായ ഘടനയിൽ അവളുടെ ആദ്ധ്യാത്മിക യാഥാർത്ഥ്യം കാണാൻ വിശ്വാസത്താൽ പ്രകാശിതമായ മനസിന് മാത്രമേ കഴിയൂ. ക്രിസ്തവിന്റെ ദൗത്യം പൂർത്തീകരിക്കാൻ ദൃശ്യമായ ഒരു ഘടന അവിടുന്നു തിരഞ്ഞെടുത്ത ജനത്തിന് ആവശ്യമായിരുന്നു. അവിടുന്നു നൽകിയ അധികാരം കൈവയ്പിലൂടെ കൈമാറുന്നതാണ് സഭയുടെ ഹയരാർക്കിക ഘടന. ക്രിസ്തുവിന്റെ സഭ ആത്മീയ കൂട്ടായ്മയായതിനാൽ അത് അദൃശ്യമാണെന്നത് ഭാഗികമായി ശരിയാണ്. എന്നാൽ മനുഷ്യന് ദൃശ്യമായ ശരീരവും അദൃശ്യമായ ആത്മാവുമുള്ളതു പോലെ ക്രിസ്തുവിന്റെ സഭയ്ക്കും ദൃശ്യവും അദൃശ്യവുമായ ഘടനയുണ്ട്.

തിരുസഭ ചരിത്രത്തിലാണെങ്കിലും അവൾ ചരിത്രത്തിന് അതീതമാണ്. അവൾ സത്താപരമായ ഒരേസമയം മാനുഷികവും ദൈവികവുമാണ്. ദൃശ്യവും അതേസമയം അദൃശ്യയാഥാർത്ഥ്യങ്ങളുമുള്ളതാണ്. തിരുസഭ ഒരേസമയം ഹയരാർക്കിപരമായ ദൃശ്യ ഘടനയുള്ള സമൂഹവും അതേസമയം ക്രിസ്തുവിന്റെ മൗതിക ശരീരവുമാണ്. ഒരേ സമയം ദൃശ്യമായ സമൂഹവും എന്നാൽ ആദ്ധ്യാത്മിക സമൂഹവുമാണ്. ഈ സഭ ഭൂമിയിലുള്ളതും എന്നാൽ സ്വർഗ്ഗീയ നന്മകളാൽ അലംകൃതവുമാണ്. അവൾ ഈ ലോകത്തിൽ സന്നിഹിതയും അതേസമയം തീർത്ഥാടകയുമാണ്. അതിനാൽ ദൈവപദ്ധതിയിൽ ക്രിസ്തുവിനാൽ സ്ഥാപിതമായ പരിശുദ്ധാത്മാവിനാൽ രൂപീകൃതവുമായ തിരുസഭയുടെ ദൃശ്യമായ ഘടനയെ യാതൊരു കാരണവശാലും നിരാകരിക്കാൻ കഴിയില്ല.

Living Faith Series : 2 (ചോദ്യം:2)

Living Faith Series : 2 (ചോദ്യം:2) 1 കോറി. 12:28 മത്താ. 18:17 1 തിമോ. 5:7 അപ്പ. 14:23 1 കോറി; 5:12 ക്രിസ്തു സഭ സ്ഥാപിച്ചപ്പോൾ ആ സഭയ്ക്ക് ഇന്നുള്ളതുപോലെ ദൃശ്യമായ ഒരു ഹയരാർക്കിക ഘടന ഉണ്ടാകണമെന്ന് അവിടുന്നു ആഗ്രഹിച്ചുവോ ? സഭ Bible Theology Church Teachings


അഭിപ്രായങ്ങൾ

Your Name Contact Number Email ID
Message