എന്തുകൊണ്ടാണു യഹൂദർ സാബത്ത് ആചരിക്കുന്നത്?

Authored by : Congregation for Doctrine of Faith On 03-Aug-2022

ഇസ്രായേൽ ജനതയെ സംബന്ധിച്ചിടത്തോളം സാബത്ത്, സൃഷ്ടാവും രക്ഷിതാവുമായ ദൈവത്തെ അനുസ്മരിക്കുന്നതിൻ്റെ മഹത്തായ അടയാളമാണ്. 

സാബത്ത് ഒന്നാമതായി സൃഷ്ടികർമ്മത്തിൻ്റെ ഏഴാംദിവസത്തെ അനുസ്മരിപ്പിക്കുന്നു. ആ ദിവസം ദൈവം “ജോലിയിൽ നിന്നു വിരമിക്കുകയും വിശ്രമിക്കുകയും ചെയ്തു” (പുറ 31:17). ജോലി നിറുത്തിവയ്ക്കാനും ഊർജ്ജം വീണ്ടും ശേഖരിക്കാനും എല്ലാ മനുഷ്യരെയും ഇത് അധികാരപ്പെടുത്തുന്നെന്നു പറയാം. അടിമകൾ പോലും സാബത്ത് ആചരിക്കാൻ അനുവദിക്കപ്പെട്ടിരുന്നു. ഇത് ഈജിപ്തിലെ അടിമത്തത്തിൽ നിന്നുള്ള ഇസ്രായേലിൻ്റെ വിമോചനമാകുന്ന രണ്ടാമത്തെ മഹത്തായ സ്മാരക അടയാളത്തെ ഓർമ്മിപ്പിക്കുന്നു. “നീ ഈജിപ്തിൽ ദാസനായിരുന്നുവെന്ന് നീ ഓർമ്മിക്കുക” (നിയമാ 5:15). അതുകൊണ്ട് സാബത്ത് മാനുഷിക സ്വാതന്ത്ര്യത്തിൻ്റെ മഹോത്സവമാണ്. സാബത്തുദിവസം എല്ലാവരും സ്വതന്ത്രമായി ശ്വസിക്കുന്നു. ഉടമസ്ഥരും അടിമകളുമെന്ന ലോകത്തിൻ്റെ വിഭജനം ഇത് അസാധുവാക്കുന്നു. പരമ്പരാഗത യഹൂദമതത്തിൽ സ്വാതന്ത്ര്യത്തിൻ്റെയും വിശ്രമത്തിൻ്റെയും ഈ ദിവസം വരാനിരിക്കുന്ന ലോകത്തിൻ്റെ ഒരു മുന്നാസ്വാദനം കൂടിയായി കരുതുന്നു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം: 362)

why do jews celebrate sabbath എന്തുകൊണ്ടാണു യഹൂദർ സാബത്ത് ആചരിക്കുന്നത്? കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം സാബത്ത് youcat 362 Bible Theology Church Teachings