വി. യോഹന്നാന്‍റെ സുവിശേഷം, 6:1-71, ഈശോ ജീവന്‍റെ അപ്പം

Authored by : Rev. Msgr. Dr. Mathew Vellanickal On 08-Feb-2021

വി. യോഹന്നാന്‍റെ സുവിശേഷപ്രകാരം ഈശോ ലോകത്തിലേക്കു വന്നത് എല്ലാവര്‍ക്കും ജീവന്‍ നല്കുന്നതിനുവേണ്ടിയാണ്: "ഞാന്‍ വന്നിരിക്കുന്നത് അവര്‍ക്ക് ജീവനുണ്ടാകാനും അത് സമൃദ്ധമായി ഉണ്ടാകാനുമാണ്" (യോഹ 10:10). സുവിശേഷത്തിന്‍റെ രചനയുടെ ലക്ഷ്യവും മറ്റൊന്നല്ല (യോഹ 20:30-31). തന്‍റെ ലേഖനത്തില്‍ യോഹന്നാന്‍ശ്ലീഹാ മിശിഹായെ വിശേഷിപ്പിക്കുന്നതും 'ജീവന്‍റെ വചനം' എന്നാണ് (1 യോഹ 1:1-3). യോഹന്നാന്‍ശ്ലീഹായുടെ സുവിശേഷത്തില്‍ ഈശോ സ്വയം വിശേഷിപ്പിക്കുന്നതും 'ജീവന്‍റെ അപ്പം' എന്നാണ്: "ഈശോ അവരോടു പറഞ്ഞു: ഞാനാണ് ജീവന്‍റെ അപ്പം" (യോഹ 6:35). ഇത് യോഹന്നാന്‍ശ്ലീഹാ അവതരിപ്പിക്കുന്നത് ആറാം അദ്ധ്യായത്തിലാണ്. ഗലീലിയന്‍ ശുശ്രൂഷയുടെ പശ്ചാത്തലത്തിലാണ് ഈ അദ്ധ്യായം മെനയപ്പെട്ടിരിക്കുന്നത്. ഇതാണ് സുവിശേഷത്തിലെ ഏറ്റവും വലിയ അദ്ധ്യായം. ജീവന്‍റെ അപ്പത്തെക്കുറിച്ചുള്ള പ്രഭാഷണവും അതിന് ഒരുക്കമായി നടത്തുന്ന രണ്ട് അടയാളങ്ങളുമാണ് ഇതിന്‍റെ ഉള്ളടക്കം.
6:1-15 - അപ്പം വര്‍ദ്ധിപ്പിക്കുന്നു
6:16-21 - വെളളത്തിനുമീതേ നടക്കുന്നു
6:25-43 - പ്രഭാഷണത്തിനൊരുക്കം
6:35-59 - ജീവന്‍റെ അപ്പത്തെക്കുറിച്ചുള്ള പ്രഭാഷണം
6:60-71 - ജനക്കൂട്ടത്തില്‍നിന്നും ശിഷ്യരില്‍നിന്നുമുള്ള പ്രതികരണം

Gospel of John 6: 1-71 Jesus is the bread of life catholic malayalam gospel of john Rev. Msgr. Dr. Mathew Vellanickal Bible Theology Church Teachings