വി. യോഹന്നാന്‍റെ സുവിശേഷം, 11:1-44, ലാസറിനെ ഉയിര്‍പ്പിക്കുന്ന അത്ഭുതം

Authored by : Rev. Msgr. Dr. Mathew Vellanickal On 08-Feb-2021

ലാസറിനെ ഉയിര്‍പ്പിക്കുന്ന അത്ഭുതം മനുഷ്യര്‍ക്ക് പുനരുത്ഥാനവും ജീവനും നല്കുന്ന ഈശോയുടെ അടയാളമാണ്. തന്‍റെ ജീവന്‍ വെടിഞ്ഞുകൊണ്ടാണ് ഈശോ മനുഷ്യര്‍ക്ക് ജീവനും പുനരുത്ഥാനവുമായിത്തീര്‍ന്നത്. ലാസറിനെ ജീവിതത്തിലേക്കു കൊണ്ടുവരുന്ന സംഭവമാണ് 1-44 വരെയുള്ള വാക്യങ്ങളില്‍ വിവരിക്കുന്നതെങ്കിലും, ഈ അത്ഭുതത്തെക്കുറിച്ച് രണ്ടു വാക്യങ്ങള്‍ മാത്രം ഉള്‍ക്കൊള്ളുന്ന വളരെ ചുരുങ്ങിയ വിവരണമാണ് കൊടുത്തിരിക്കുന്നത് (11:43-44). അതിനൊരുക്കമായുള്ള വലിയ ഒരു വിശദീകരണമാണ് ബാക്കിഭാഗം മുഴുവനിലുമുള്ളത്. ഈ അത്ഭുതം ഒരു അടയാളമാണെന്നതിലേക്കാണ് ഇത് വിരല്‍ചൂണ്ടുന്നത്. ഇതിന്‍റെ അര്‍ത്ഥമെന്താണെന്ന് ഈശോ തന്നെ വിശദീകരിക്കുന്നുമുണ്ട്.

Gospel of John 11: 1-44 The miracle of resurrecting Lazarus catholic malayalam gospel of john Rev. Msgr. Dr. Mathew Vellanickal Bible Theology Church Teachings